![]() |
![]() |
«Менің бастамам – менің Отаным» атты республикалық шығармашылық жобалар байқауының облыстық қашықтық турының қорытындысы.
2025 жылғы 1-10 сәуір аралығында «Менің бастамам – менің Отаным» республикалық шығармашылық жобалар байқауының облыстық қашықтық туры өтті. Байқаудың мақсаты — балалар мен жастардың бастамаларын қолдау және дамыту, өзінің туған жері мен еліміздің өркендеуіне креативті және әлеуметтік маңызды идеялар ұсына алатын дарынды оқушыларды анықтау.
Облыстық турға қалалық және аудандық іріктеу кезеңдерінің жеңімпаздары – барлығы 54 оқушы қатысты. Қатысушылар өз жұмыстарын келесі сегіз номинация бойынша ұсынды: «Жақсылық керуені», «Отаным – қасиетті туған жерім», «Мен – Қазақстан Республикасының азаматымын», «Менің ашық университеттерім», «Қазақстанның жеті кереметі», «Қазақстанның 100 жаңа есімі», «Қайта жаңғыру полюсі», «Менің отбасым: сабақтастық, құндылықтар мен мағыналар».
Байқау жұмыстары бірқатар критерийлер бойынша бағаланды: тақырыпқа сәйкестігі, әлеуметтік тиімділігі, жаңашылдығы, заманауи инновациялық технологияларды қолдануы, нәтижелердің шынайылығы мен болашағы, сондай-ақ автордың жеке үлесі мен жұмыстың безендірілуі. Көптеген жобалар терең зерттелуімен, практикалық маңыздылығымен және әлеуметтік мәселелерді шешудегі тың шешімдерімен ерекшеленді.
Қазылар алқасының бағалау нәтижесі бойынша әр номинацияда жеңімпаздар анықталды:
1. «Қайырымдылық керуені» номинациясы
1-орын – Дүйсембай Гүлнұр – Павлодар ауданы, КММ «Жаңа Қала ЖОББМ»
2-орын – Мұхтарханова Ажар – Павлодар қ., М.Әлімбаев атындағы ЖОББМ
2-орын – Акажанова Руслана – Ақсу қ., Қ.Шүлембаев атындағы ЖОББМ
3-орын – Хазаева Сацида – Ертіс ауданы, КММ «Ұзынсу ЖОББМ»
3-орын – Рыбалко Арсений – Павлодар қ., «Дарынды балаларға арналған №3 гимназия» ММ
Бірінші орын иегерлері республикалық кезеңде Павлодар облысының намысын қорғайтын болады. Олардың қатарында:Дүйсембай Гүлнұр (Павлодар ауданы),Белоусова Арина (Павлодар қ.), Нұрсейітова Назира (Щербақты ауданы),Жұмабек Аружан (Павлодар қ.), Аманжол Мәдина (Павлодар қ.),Михальчук Марина (Ертіс ауданы), Хавдал Абдулғазиз (Баянауыл ауданы), Хамидолда Фарида (Ақсу қ.).
Аймақтық кезеңнің үйлестірушісі А.И. Фрик ұсынылған жобалардың жоғары деңгейін атап өтіп, қатысушылардың зерттеліп отырған тақырыптарға терең қызығушылық танытқанын, талдаудың стандартты емес әдістерін қолданғанын және өзекті әлеуметтік мәселелерді шешудің нақты жолдарын ұсынғанын ерекше атап өтті. Әрбір жоба – жас авторлардың азаматтық ұстанымының, жеке белсенділігінің және шығармашылық көзқарасының көрінісі болды.