Ерлікті жүрекпен сезіну
- Подробности
- Категория: Әдістемелік бөлімі
- Жарияланды: 30.11.-0001 05:00
16 сәуір күні М.Катаев атындағы Оқушылар сарайында Ұлы Отан соғысы Жеңісінің 70-жылдығына арналған «Ерлікті жүрекпен сезіну!» тақырыбына арналған «Проба пера» балалар әдеби шығармашылығы облыстық конкурсының жеңімпаздарын марапаттау рәсімі өтті.
Салтанатты рәсімге келесі қонақтар қатысты: Қазақстанның білім беру үздігі, Павлодар мемлекеттік педагогикалық институтының Е.Бекмаханов атындағы ғылыми кітапхананың ғылыми кеңесшісі, Славян мәдени орталығы кітапханасының меңгерушісі, 100 ғылыми және әдістемелік басылымдардың авторы Наталья Александровна Колодина, атақты павлодарлық васильевтанушы, Павел Васильев атындағы мұражай-үйін 13 жыл басқарған, Павел Васильев сыйлығының лауреаты Любовь Степановна Кашина, «Истоки» павлодарлық әдеби клубының жетекшісі Михаил Павлович Кохнович, Халық ағарту үздігі, Қазақстан мәдениетінің үздігі, ҮЕҰ «Балалар-жасөспірімдер қайырымдылық мектебі» - қоғамдық ұйымының жетекшісі және «Аталар-ардагерлер, немерелер-іззерттегіштер» ұрпақтар байланысы мұражайының алғаш жетекшісі, Людмила Ивановна Асеева.
Конкурстың қазылар алқасы мүшелері П. Васильев атындағы павлодарлық әдеби бірлестігінің жетекшісі Татьяна Владимировна Окольничья, атақты балалар ақыны, «Пушкинская лира» және «Русский стиль» атты әдеби конкурстардың лауреаты Елена Юрьевна Игнатовская, облыстық «Сарыарқа самалы» газетінің шолушысы Нұржайна Шодыр, Павлодар Назарбаев зияткерлік мектебінің оқытушысы Самал Бакубайқызы Кибатова, педагогика ісінің ардагері Татьяна Сергеевна Глубокова, «Твой мир» облыстық балалар-жасөспірімдер газетінің редакторы Елена Валентиновна Вайберт, сонымен қатар Оқушылар сарайының әдіскерлері болды.
Мерекелік бағдарламаны Оқушылар сарайының көркемдік ұжымдары «Анастасия» би-спорттық клубы, «Дебют» автор студиясы және «Арман-шоу» театр-студиясының өнерпаздары безендірді.
«Проба пера» облыстық балалар әдеби шығармашылығы конкурсының жеңімпаздары алғыс хаттармен, дипломдар және бағалы сыйлықтармен марапатталып, ең үздік авторлардың жұмыстары енген «Балалар соғыс туралы жазады» атты жинағын ескерткіш ретінде сыйлыққа алды.
