Балалық шақ құқығы
- Подробности
- Категория: Әдістемелік бөлімі
- Жарияланды: 25.11.2015 14:45
Қараша айында М. Катаев атындағы Оқушылар сарайында «Қорғау» және «Азамат» құқық клубтарымен мектептегі құқық клубтардың өзара қарым-қатынасы» атты тақырыбында дөңгелек үстел өткізілді. Іс-шараға қала мектептерінің үйірмелерінен, құқық клубтар жетекшілерінен 22 адам қатысты.
Оқушылар сарайының құқықтық клубтардың негізгі құқық бағыттағы жұмысын Оқушылар сарайының әдіскері Айжан Жұмағұлқызы Оразбаева таныстырды. Мектеп оқушыларына жобалары және ғылыми-зерттеу жұмыстары үшін тақырыптар ұсынды. Балалардың бос уақытын қамту және шығармашылық орталығының педагог-ұйымдастырушылары «ЗАҢ» азаматтық-құқықтық мектебінің жүйесі» атты тақырыптағы баяндамасымен Ирина Сергеевна Кучуркина, Айболат Нысанбайұлы Молдағұл сөз сөйледі. Оқушылар сарайының әдіскері Динара Орынбасарқызы Жақанова «Құқық білгірі» тақырыпта құқықтық ойынын өткізді. Оқушылар сарайының психологы Марина Алексеевна Коржова балаларды қоғамдық қабылдау туралы әңгімеледі.
№ 29 ЖОББМ құқық клубының жетекшісі Виктория Геннадьевна Хуако және № 36 ЖОББМ құқық клубының жетекшісі Жанна Зифридовна Семенова сынып шебер өткізу барысында арықарай ынтымақтастық жасауды ұсынды.
Қазіргі заманда шиеленіскен мәселенің бірі – ол бала құқығын қамтамасыз ету. Барлық бейбіт қауымдастығы осы мәселеге байланысты, сұрақтарды шешу жолдарын іздеуде. Әр түрлі деңгейде және әр түрлі формада жасөспірімдер мен бала құқығын қорғауда нақты қадамдарды қабылдайтын, барлық ел бойынша конференциялар, жиналыстар, жиындар, конгресстер өткізіліп жатыр. «Оқушылар сарайының «Қорғау» және «Азамат» құқық клубтарымен мектептегі құқық клубтардың өзара қарым-қатынасы» дөңгелек үстел – Павлодар өңірінде бала құқығын қорғау жөніндегі жұмыс қадамдардың бірі.