Оқушылар сарайында ең үздік эковолонтерлік жасақ анықталды
- Подробности
- Категория: Техника мен ғылым бөлімі
- Жарияланды: 30.11.-0001 05:00
|
|
2023 жылдың 31 наурызында Оқушылар сарайында "Үздік эковолонтерлік жасақ" облыстық қашықтықтан байқауының жеңімпаздарын марапаттау рәсімі өтті.
Павлодар қаласы № 7 арнайы мектеп-интернатының, Железин ауданы № 7 ЖНМ, Павлодар ауданы Жаңақала ЖНМ және Павлодар қаласы М.Әлімбаев ат. мектептерінің эковолонтерлік жасақтары бір жылдық жұмысының нәтижелерін көрсетті.
Байқауға барлығы 20 жасақ қатысып, 4 мектеп жеңімпаз атанды. Үздік эковолонтерлік отрядтар «Туған өлкенің табиғатын сақтау», «Эковолонтерлер - өзендер мен көлдерге», «Қаланың эковолонтерлері», «қоқысқа – орын жоқ! және экокөзқарас» номинациялары бойынша анықталды.
Байқау жеңімпаздары үшін ерікті, «Павлодардың ашық жүректері» қайырымдылық қорының мүшесі Оспанова Мира Макеновнамен кездесу ұйымдастырылды. Марапаттау рәсіміне конкурстық комиссияның өкілі, Қазақстан Республикасының Білім беру ісінің құрметті қызметкері, балалар-жасөспірімдер экология және туризм орталығының жабық топырақ бөлімінің меңгерушісі Ахмет Рашитұлы Қапашев шақырылды, ол отрядтардың конкурстық жұмыстарына анықтама беріп, қоршаған ортаға ұқыпты қарау туралы құнды кеңестерін ортаға салды.
Сондай – ақ, эковолонтерлік жасақтар үшін Оқушылар сарайының жасыл технологиялар зертханасына, «Аталар - ардагер, немерелер-іззертеушілер» мұражайына және Оқушылар сарайының планетарийіне экскурсия жүргізілді.
- Байқаудың басты мақсаты - экологиялық мәдениет деңгейін арттыру, мұқтаж жандарға көмек көрсету және туған өлкенің табиғатына қамқорлық жасау арқылы оқушылардың әлеуметтік маңыздылығын түсіну, - деп атап өтті әдіскер Әйгерім Оразбаева.