Оқушылар сарайы ұстаздар қауымын қарсы алды

Подробности: Категория: Отдел науки и техники; Опубликовано 25.01.2018 10:35

2018 жылдың 24 қаңтар күні Павлодар қаласының Достық үйінде «Дарын» республикалық ғылыми-практикалық орталығының оқу-әдістемелік кеңесінің «Білім беру мазмұнын жаңарту жағдайында басқару тиімділігі және білім беру сапасын қамтамасыз ету» тақырыбында іс-шара өткізілді. Еліміздің түкпір-түкпірінен жиналған 150-ге жуық ұстаздар қауымы осы отырысқа қатысты.

Аталмыш Республикалық іс-шара төңірегінде еліміздің бір топ педагогтары М.М.Катаев атындағы Оқушылар сарайымен танысу мақсатында экскурссияға келген болатын. Оқушылар сарайының педагогтары қонақтарға «Қосымша білім беру жүйесінің жаңа технологиялары» атты қызықты презентацияларын ұсынып, Оқушылар сарайының бойынша танымдық экскурссия жүргізді. Оқушылар сарайына келген қонақтар Сарайдың астрономиялық бөліміне, жаңа технологияларға сай жабдықталған зәулім білім ордасына ерекше қызығушылықтарын білдірді.

Іс-шараға Қазақстанның барлық облыстарынан 90 - нан астам аймақтық орталықтарының басшылары, облыстық білім беру басқармаларының өкілдері, мамандандырылған мектеп директорлары мен оқу-әдістемелік және тәрбие жұмысы бойынша орынбасарлары мен ұстаздары қатысты.