Республикалық курстар өз мәресіне жетті
- Подробности
- Категория: Әдістемелік бөлімі
- Жарияланды: 30.11.-0001 05:00
Павлодарда 15-24 қазан күні аралығында М.М.Катаев атындағы Оқушылар сарайының негізінде «Қосымша білім беру ұйымдарының әдістемелік қызмет жұмысының инновациялық жолдары» тақырыбында республикалық курс жұмыстары жүргізілді. Қатысушыларға ПМПИ мен С.Торайғыров атындағы ПМУ оқытушылары сабақ берді.
24 қазан күні республикалық курс қатысушылары соңғы рет ПМПИ кәсіби оқытудың теория және әдістемесі кафедрасының аға оқытушысы Байтанаева Майра Амангазиевна жүргізген «Шеберлік-сынып педагогикалық тәжірибені көрсету нысаны. Әлеуметтік-педагогикалық қызметтің негізгі бағыттары мен түрлері» сабағына қатысты.
Түстен кейінгі уақытта тыңдаушылар М.М.Катаев атындағы Павлодар облыстық Оқушылар сарайының әдіскері Кибатова Самал Бакубаевна өткізген «Қосыша білім беру ұйымдарының әдістемелік қызмет жұмысының инновациялық жолдары» дөңгелек үстелінің қатысушылары болды.
Сонымен қатар бүгін «Қосымша білім беру ұйымдарының әдістемелік қызмет жұмысының инновациялық жолдары» тақырыбында өткен республикалық курс жұмысының тыңдаушыларына салтанатты түрде куәліктер табысталды. Тоғыз күнге жалғасқан курс жұмысы осымен өз мәресіне жетті.