Кәсіпке бастар жол: облыстық форум мүмкіндіктері

Подробности

Категория: Методический отдел

Опубликовано 30.11.-0001 05:00

Путь к профессии: возможности областного форума

Путь к профессии: возможности областного форума

Павлодар облысы  М. Катаев атындағы Оқушылар сарайында «Мамандықтар әлемін ашамыз» облыстық форумы өтті. Оған өңірдің білім беру ұйымдарынан 60-тан астам оқушы қатысып, кәсіби бағдар мен шығармашылық ізденістерін ортаға салды.

Қатысушылар төрт бағыт бойынша өз қабілеттерін көрсетті. «Бүгін мен таңдаған мамандық» секциясында оқушылар қазақ, орыс және ағылшын тілдерінде презентациялар ұсынып, болашақ кәсібінің қоғам үшін маңызын дәлелдеді. Бұл бағыт жас буынның тілдік құзыреттілігін де, ой-өрісін де дамытуға мүмкіндік берді.
Ең қызықты алаңдардың бірі – болашақ мамандықтарды болжауға арналған секция болды. Мұнда оқушылар әлі оқулықтарда кездеспейтін кәсіптер туралы идеяларын ұсынды. Инновация мен әлеуметтік маңыздылыққа негізделген жобалар көрермендерді ойландырып, ертеңгі еңбек нарығының бейнесін көз алдына әкелді.
«Біздің отбасымыздағы мамандықтар» конкурсы ерекше әсер қалдырды. Қатысушылар отбасылық кәсіби династиялар туралы әңгімелеп, ескі фотосуреттер мен бейнематериалдар арқылы еңбек дәстүрінің ұрпақтан ұрпаққа жалғасатынын көрсетті. Бұл бағыт отбасы құндылықтарын дәріптеп, еңбекке құрмет сезімін оятты.
Ал «Жас мобилограф» номинациясында оқушылар заманауи мобильді түсірілім мүмкіндіктерін пайдаланып, түрлі кәсіптердің күнделікті жұмысын бейнеледі. Шығармашылық бейнероликтер сапасы жағынан кәсіби контенттен кем түспей, жастардың цифрлық дағдыларын танытты.
Жеңімпаздарға республикалық кезеңде өңір намысын қорғау мүмкіндігі берілді. Ұйымдастырушылардың айтуынша, қатысушылар тек кәсіби бағдар алып қана қоймай, көпшілік алдында сөйлеу, идея қорғау және медиа контентпен жұмыс істеу сияқты «soft skills» дағдыларын дамытты.