Қош келдің, жаңа жыл!

Подробности

Категория: Художественный отдел

Опубликовано 30.11.-0001 05:00

Қош келдің, жаңа жыл!

Қош келдің, жаңа жыл!

Әр баланың көптен күткен таңғажайып сәті келіп жетті. Павлодар облысында 2023 жылғы 24 желтоқсанда ҚР Президенті Қасым-Жомарт Тоқаевтың атынан Жаңа жылдық шырша өтті. М. М. Катаев атындағы Оқушылар сарайының ұжымы оқушыларға ертегі әлеміне саяхат жасады. «Қош келдің, жаңа жыл» театрландырылған қойылымы қазақ халық ертегілері негізінде дайындалды.

Шыршаның қонақтары үшін Аяз ата, Ақшақар, Тоқтарбай, Әл Хәкім, Әл Ғажайып, Ұлу, Ұршықтай (паук), Айдаһар, Саққұлақ, Желаяқ, Таусоғар, Көлтауысар атты ертегі кейіпкерлері мерекелік көңіл күй сыйлады.
Шақырылған қонақтар үшін аниматорлар жұмыс жасады. Олар өз қолдарымен әдемі әшекейлерден бастап, зияткерлік сайыстарға дейін өткізіп,  балаларға ұмытылмас көңілді  калейдоскоп  ұйымдастырды.  Шыршаның ресми бөлімі басталмас бұрын әр қатысушы 4 ойын станциясын өтіп, көп әсер алып, жаңа жылды тойлауға дайындалды.
Мерекеге 150 бала қатысты. Жаңа жылдық  қойылымға жетім балалар, аз қамтылған және көп балалы отбасылардан шыққан балалар, ерекше қажеттіліктері бар, мүгедектігі бар балалар және мүгедек ата-анасы бар балалар, сондай-ақ оқу және спорт үздіктері, балалар қозғалысының көшбасшылары, мектеп парламенттері мен оқушы органдарының мүшелері  қатысты.
Театрландырылған мерекелік қойылымға Оқушылар сарайының шығармашылық ұжымдары және басты кейіпкерлері «Күн астындағы күнекей қыз» ертегісінен келген қонақтар болды. Балалардың ортақ күш-жігері мен достықтың арқасында жақсылық жеңіп, сыйлықтар мен тәттілере де көптен күткен кезек келді .   
Мерекелік іс-шараның әрбір қатысушысы ашықхат пен сыйлықтар алды.  
Қойылымнан кейін мерекенің соңғы кезеңінде балалар тәтті мерекеге аттанды.