«Жас даурен» вокал студиясы Халықаралық конкурстан жүлделермен оралды

Подробности

Категория: Методический отдел

Опубликовано 06.04.2018 16:12

«Жас даурен» вокал студиясы Халықаралық конкурстан жүлделермен оралды

«Жас даурен» вокал студиясы Халықаралық конкурстан жүлделермен оралды

М.М.Катаев атындағы «Жас даурен» вокал студиясы ағымдағы жылдың 20-23 наурыз аралығында Астана қаласында өткен «Музыка весны» Халықаралық байқауына қатысып, бірнеше жүлделі орындарға ие болды.

Бұл ән додасында елорданың сахына төрінде Ресей елінің Саратов және Омбы қалаларынан жас әншілер келген еді. Ал Қазақстан жерінен Астана, Ақтау, Қостанай қалалары болды.

«Жас даурен» вокал студиясы эстрада вокалы бойынша байқауға қатысып, 60 үміткердің ішінен «Жаңа әуен» квартеті бірінші орынға қол жеткізсе, ал «Керемет Voices» квартеті екінші орынға жайғасты. Сонымен қатар «AiDari musik» пен «Айдың нұры» дуэттері үшінші орынға иеленді. Сондай ақ Бакберген Болтаев, Дияра Нуркина, Дарига Акимова, Айжан Жұмабаева, Назерке Касимова, Арайлым Каирбек, Максат Темирбай, Айнель Санаткановалар үшінші орынды қанжығаларына байлады.

- Бұл Халықаралық байқаудан алған әсерлеріміз тамаша болды. Біріншіден Ресей елінің келген қарсыластар өте мықты болып шықты. Осындай ауқымды ән байқауына қатысып, жүлдеге ие болғанда өте қуанышты болдық. Ал екіншіден бұл байқау Наурыз мерекесімен тұспа-тұс келді. Елорданың төрінде серуендеп, Ұлыс мерекесін атап өттік – дейді, «Жас даурен» вокал студиясының жетекшісі Баршагүл Ногаева.