Қазақстанның танымал адамдарымен жазғы онлайн кездесулер

Подробности

Категория: Методический отдел

Опубликовано 23.06.2021 13:56

«Патриот» - это не только игра

Маусым айында Оқушылар сарайында «SummerFestONline» лагері аясында Қазақстанның танымал адамдарымен үш онлайн кездесу ұйымдастырылды.

7 маусым күні жас ақын, журналист, блогер, республикалық көркем сөз оқуларының жеңімпазы Бәкіжан Кәкіммен кездесу өтті. Жас ақын мектепалды лагерь оқушыларына блогты жүргізу, пост жазуға байланысты көп мәліметтер берді. Мәнерлеп оқу бойынша бірнеше жаттығуларды ұсынды. Әсіресе оқушыларға жас ақынның балаларға арналған мультфильмдерді дыбыстауы туралы қызық болды.

14 маусым күні тәуелсіз журналист Салауат Темірболатұлымен өткен кездесу тамаша өтті. Ол журналистика саласы туралы, өзінің жұмысы жайлы әңгімелеп берді. Жас тілшілер сұрақ қойып, республикадағы танымал журналисттен шеберлік-сабақ алды.

21 маусым күні жас домбырашы Алексей Лодочниковпен кездесу өтті.

Алексей өзінің балалық шағы мен шығармашылық жолы туралы баяндады.

Ол домбырашыларға арналған облыстық және республикалық конкурстардың жеңімпазы. 2014 жылы Алексей Елбасымен кездесуге қатысқан болатын. Алексеймен танысу үшін оқушылар жас домбырашының жеке мұрағатынан фото мен бейнелерін тамашалады. Оқушылар Алексейге сұрақтар қойып, әндерін тыңдады.

2021 жылдың 15-16 маусым күндері «Рухани жаңғыру» кабинетінде С.Торайғыров атындағы облыстық әмбебап ғылыми кітапханасымен бірлесіп әдеби қонақжай өтті. Кездесу «Павлодар читает детям» акциясы аясында өткен болатын. Қонаққа «Найзатас» журналының әдеби қызметкері Айгерим Сұлтан және «Казахстанская правда» республикалық журналының тілшісі Екатерина Бескорсая келді. Айгерим Сұлтан Сүлейман Баязитовтың «Бала Мәшһүр» және «Ыбырай әңгімелері» шығармаларын оқып берді. Ал Екатерина Бескорсая Виктор Драгунскийдің шығармаларын оқыды.

Кездесулерді әдіскер Әсем Аипова өткізді.