«Аққу» және «Мирас» клубтарында «Біртұтас тәрбие» бағдарламасы іске асырылды

Подробности

Категория: Методический отдел

Опубликовано 30.11.-0001 05:00

В клубах «Аққу» и «Мирас» реализована программа «Біртұтас тәрбие»

В клубах «Аққу» и «Мирас» реализована программа «Біртұтас тәрбие»

8 қазан күні М.М. Катаев атындағы Оқушылар сарайында «Біртұтас тәрбие» бағдарламасы аясында «Аққу» және «Мирас» клубтарының облыстық семинары өтті.

Семинардың басты мақсаты — жастар тәрбиесінде рухани құндылықтарды нығайту және ұлттық дәстүрлерді сақтау жолдарын талқылау. Бұл іс-шара рухани және тәрбиелік мәселелерді қамтып, педагогтар мен жастар жетекшілеріне өзара тәжірибе алмасуға мүмкіндік берді.
Семинар барысында бірнеше мамандар өздерінің тәжірибелерімен бөлісіп, жастар тәрбиесіндегі маңызды аспектілерге тоқталды. Ақтоғай ауданынан келген Жадыра Асаинова «Аққу» қыздар клубының жұмысы жайлы айтып, жастардың рухани тәрбиесінде ұлттық құндылықтардың рөлін ашып көрсетті.
Аққулы ауданынан Дәурен Жүнісхан дәстүрлі садақ ату өнері арқылы ұлттық тәрбиені жастарға үйретудің тиімділігін көрсетті. Отбасы тәрбиесінің маңыздылығы Ақсу ауданының өкілі Нұрбахыт Өзкейдің баяндамасында кеңінен талқыланды. Ал Шарбақты ауданынан Иса Жасқайрат әділдік пен жауапкершілікті тәрбиелеудің жастардың қалыптасуына қалай әсер ететінін атап өтті.
-Болашақ ұрпақты тәрбиелеуде рухани құндылықтардың және ұлттық дәстүрлердің орны ерекше. Бұл шара келешекте жастар тәрбиесін нығайту бағытында жаңа қадамдар жасауға серпін береді, - деді «Аққу» және «Мирас» клубының жетекшісі Майя Темирбулатова.