Павлодар облысының қосымша білім беру педагогтері арасында өткен байқау

Подробности

Категория: Әдістемелік бөлімі

Жарияланды: 30.11.-0001 05:00

Конкурс среди педагогов дополнительного образования Павлодарской области

Конкурс среди педагогов дополнительного образования Павлодарской области

Бүгін М.М. Катаев атындағы мектеп оқушылар сарайында Павлодар облысының дарынды қосымша білім беру педагогтары арасында байқау өтті.

Бұл байқау жай ғана жарыс емес, тәжірибе алмасу, инновациялық идеялар мен шығармашылық шабыт үшін нағыз алаңға айналды. Қатысушылар өздерінің әдістемелерін, педагогикалық шеберліктерін және өз ісіне деген шексіз сүйіспеншіліктерін көрсетті. Байқау екі кезеңнен өтті.
Алғашқы кезең – іріктеу (қашықтықтан). Қатысушылар білім беру бағдарламалары, әдістемелік әзірлемелер, кәсіби жетістіктері мен тәрбиеленушілердің жетістіктері туралы портфолио ұсынды. Қазылар алқасы әдістемелердің инновациялығын, педагогикалық технологиялардың тиімділігін және «Біртұтас тәрбие» бағдарламасының принциптеріне сәйкестігін бағалады. Іріктеу нәтижесінде финалистер анықталды.
Екінші кезең – финал. Финалистер мектеп оқушылар сарайының тәрбиеленушілерімен шеберлік сыныптарын, ашық сабақтар мен тәрбие сағаттарын өткізіп, заманауи білім беру технологияларын және балаларды оқу процесіне тартуды көрсетті. Содан соң қатысушылар педагогикалық тәжірибелері мен табысты жобаларын таныстырды.
Қазылар алқасы үздіктерді таңдады, алайда  әрбір қосымша білім беру педагогі – бұл шығармашыл ұстаз, білім мен талант әлеміне жетелейтін жетекші екенін жақсы білеміз. Жеңімпаздарды және барлық қатысушыларды құттықтаймыз!