Ең үздің еріктілер жасағы

Подробности

Категория: Әдістемелік бөлімі

Жарияланды: 20.04.2016 18:37

Лучший волонтерский отряд

Лучший волонтерский отряд

М.Катаев атындағы облыстық Оқушылар сарайында «Ең үздің еріктілер жасағы» облыстық жобасы шеңберінде жұмыс қортындысы белгілі болды. «Аталмыш шағын жоба 2016 жылдың қаңтар айында іске асырылды, - дейді жоба ұйымдастырушысы және кураторы, Оқушылар сарайы Балалар бейбітшілік орталығының директоры Самал Сүлейменова, - осы кезең арасында бес мыңға жуық бала өздерінің мейірімділік әрі ұйымдастырушылық қабілеттерін көрсетті. Ал мыңға жуық – тәлімгерлер, ата-аналар балаларға көмек берді».

Аталмыш жоба үгітбригадалар сайысы және «Отанымның 25 игі істері» атты мейірімділік марафонының екі кезеңін қамтыды. Еріктілер қатары «Мир не обойдется без…» - атты шығармалар сайысында бейбітшілік туралы сөз қозғап, өз қаласы мен ауылдарын тазартты. Бұл жобада ерекше білімдікті қажет ететін балалар және көп балалы отбасы, жетім балалар өздеріне еріктілер секілді тамаша адамдарды достары ретінде тапты.  Еріктілер қарт адамдарға, соғыс және еңбек ардагерлеріне қол үшін беріп көмек көрсетті. Сонымен қатар жас еріктілер жануарлар үйіне азық апарды. Сайысқа қатысып отырған әрбір еріктілер жасақтары бұл әлемге мейірімділікті сыйлады. Дегенмен қазылар алқасы олардың игі істерін бағалап, ішінен «Ең үздің еріктілер жасағы» деген атқа лайықтыларын таңдап алды. Қортындысында, Қашыр ауданының құрама командасы бас жүлдені жеңіп алды.

Қашыр еріктілеріне «Ең үздің еріктілер жасағы - 2016» атты жылжымалы кубок пен атағы берілді. Бұл атақты еріктілер келесі жоба іске асырылғанша екі жыл бірдей алып жүреді. I орын Кенжекөл ауылының отбасы үлгісіндегі балалар ауылы «Болашақ» командасына және Лебяжі ауылы Ямышев ЖОМ-нің «Помогай-ка» командасына, Павлодар қаласы Б.Момышұлы №22 ЖОМ-нің «Спектр» командасына бұйырды. II орын Павлодар қаласы №35 ЖОМ-нің «Ақниет» еріктілер жасағына, Баянауыл ауданы З.Ақышев атындағы ЖОМ-нің «Достық» командасына, Мичурин ЖОМ-нің  «Online.kz» командасына және Павлодар ауданы Чернорецк №2 ЖОМ-нің «Жас патриоттар» жасағына берілді. III-ші орынды №40 ЖОМ-нің «Көмек», Ақсу қаласы Үштерек ЖОМ, Шарбақты ауданы Чигириновка ЖМ-нің «Жаңа өркен» еріктілер жасақтары бөлісті.

Аталмыш жоба 2015 жылдың қыркүйек айында Облыстық балалар бейбітшілік орталығы іске асырған «Үміт сәулесі» мега-жобасының кешенді бағыты болып табылады. Мега-жобаның мақсаты – жас ұрпақты бітімгерлікке, еріктілік іске баулу, оқушыларды қайырымдылыққа, төзімділікке тәрбиелеп, Отанға деген махаббатын ояту.