Жазғы демалыстың көшбасшылық форматы

Подробности

Категория: Әдістемелік бөлімі

Жарияланды: 14.06.2016 09:43

Лидерский формат летнего отдыха

Лидерский формат летнего отдыха

Бектұров көшесі бойында орналасқан М.Катаев атындағы Оқушылар сарайында «Шуақты жаз - Радужное лето» жазғы экспрестің бағдарламасы жұмысын бастады. Бұл жазғы демалыс орынында профильдік отрядтардың балалары, «Жас Ұлан» жазғы отрядтары және мектепалды лагерьлері, «Тәуекел тобындағы» балалар мен жасөспірімдер, денсаулықтарында ақаулықтары бар балалар, сонымен қатар 10-17 жас аралығындағы көпбалалы және аз қамтылған отбасылардың балалары болды.

Балалардың жазғы демалысын Оқушылар сарайы балалардың бұқаралық қозғалысын дамыту бөлімінің педагогтары мен әдіскерлері үш бөлім бойынша ұйымдастырды. Бірінші бөлім «Көшбасшы форматы» деп аталды. Бұл бөлімде түрлі тренингтер, шебер-сыныптар өткізіліп, шығармашылық шеберханалар қарастырылған. «Жүргізушілер жетелейді» атты бөлімде педагогтар оқушылардың ұйымдастырушылық қабілеттерін дамытады. Таза ауада және спорттық бөлмеде өткізілген спорттық және зияткерлік сайыстар «Шексіз ойындар» бөлімінде жалғасын тапты.

Журналисттердің қиын да, қызықты жұмыстарымен «Құрметті редакция» алаңында балалар танысты. «Сөз шебері» атты шығармашылық бөлімде жүргізушілердің қабілеттері ашылып, шеберліктері шыңдалады.

Жазғы жұмыстың шығармашылық форматында би – музыкалық және эстетикалық сабақтары өткізіледі. Балалар би билеп, тақырыптық мультфильмдерді тамашалайды. «Ұжымдық-шығармашылық іс» - бұл жазғы экспрестің үшінші бөлімі. Бұл жерде шебер-сыныптар мен тренингтерге қатысқан барлық балалар жиналып квест-ойындар ойнап, жүйріктіліктерін жарысқа салып, скаут ойындарына қатысып, экспресс-журналдар шығарады.

20 маусым күні Бектұров көшесі бойынша орналасқан облыстық Оқушылар сарайында профильдік лагерьдің бірінші маусымы аяқталады. Сондай-ақ 25 маусымнан бастап бағдарламаның бағыты бойынша аудандық жазғы лагерьлердің балдырғандары үшін лагерь жұмысы жалғасады. Қазіргі таңда «Шуақты жаз - Радужное лето» жазғы экспресс лагеріне жеті жүзге жуық оқушылар қатысты.